Moldovanın rusdilli qəzet, televiziya, jurnal və çap olunmuş vizual nəşrlərə qoyduğu qadağa ciddiyyətini qorumaqdadır.
Hafta.az-ın yazdığına görə, Moldovanın Qaqauz muxtar vilayətinin iki teleşirkəti Rusiya və Belarusdan yayımlanan televiziya proqramlarının təkrar yayımına görə 290 min ley (təxminən 15 min avro) məbləğində cərimələnib.
Moldova Yayım Şurasının mesajında Qaqauz Televiziyasına tətbiq edilən cəza “milli audiovizual məkanın mühafizəsi tədbirlərinə əməl etmədiyinə görə” verilib.
Qaqauz Muxtar Vilayətinin kabel televiziyası şirkətlərinin rusdilli xəbərləri və telekanalları Moldovada qadağan olunmuş “Rossiya”, “Rossiya 24”, “Mir 24”, “Belarus 24” və bəzi digər kanalların məzmununu təkrar yayımlamaqda ittihamlanır.
Ötən il Moldova parlamenti Transsərhəd Televiziya haqqında Avropa Konvensiyasını ratifikasiya etməyən ölkələrin (o cümlədən Rusiya və Belarus) proqramlarının yayımını yasaqlayıb. Bundan əlavə, TASS-ın məlumatına görə, Moldovada Rusiya telekanallarının saytlarına giriş də bağlanıb.
Rusiya Xarici İşlər Nazirliyinin sözçüsü Mariya Zaxarova Moskvanın Moldova hakimiyyətinin telekanallarla bağlı qərarını milli azlıqların hüquqlarının kinsiz pozulması kimi qiymətləndirib.
